नाफा वृद्धिसँगै कम्पनीको खुद बीमा शुल्क आर्जन पनि ८.९९% ले बढेर रु. ७८ करोड ७४ लाख पुगेको छ। अघिल्लो वर्ष यस्तो शुल्क रु. ७२ करोड २५ लाख थियो। यसैगरी, कम्पनीको कुल आम्दानी पनि २.७१% ले बढेर रु. १ अर्ब ४७ करोड ६८ लाख पुगेको छ भने कुल खर्च २.०५% ले घटेर रु. ९७ करोड ६३ लाखमा झरेको छ।

कम्पनीले कमिसनबापत रु. ३९ करोड ३५ लाख र लगानी तथा कर्जाबाट रु. १७ करोड १ लाख आम्दानी गरेको छ। कम्पनीको प्रतिसेयर आम्दानी (EPS) रु. १६.३० रहेको छ र प्रतिसेयर नेटवर्थ रु. १५२.१२ छ। हाल कम्पनीको चुक्ता पुँजी रु. २ अर्ब १५ करोड रहेको छ भने विशेष जगेडा कोषमा रु. ७५ करोड ९८ लाख र महाविपत्ति कोषमा रु. ४ करोड ६४ लाख सञ्चित छ। कम्पनीको खुद दाबी भुक्तानी रु. ३८ करोड ७० लाख रहेको छ।