चौधरीले अटोमोबाइल क्षेत्रले रोजगारी सिर्जना र राजस्व संकलनमा ठूलो योगदान पुर्‍याएको बताए। उनले नेपालमा सवारी साधन एसेम्ब्लिङको आवश्यकतामा जोड दिँदै यसका लागि आवश्यक पार्टपुर्जाको स्वदेशमै उत्पादन गर्नुपर्नेमा जोड दिए।

उनले नाडाले युवा पलायन रोक्न र युवा जनशक्तिलाई सीप तथा रोजगारी सुनिश्चित गर्न प्रयास गरिरहेको पनि बताए। सरकारसँग नाडाले नीतिगत तहमा पनि सल्लाह र सुझाव दिँदै आएको र अटोमोबाइल ट्रेडलाई सशक्त रूपमा प्रतिनिधित्व गरेको उनको भनाइ छ।

चौधरीले नाडाले सरकारले गरेका राम्रा कामहरूको पनि प्रशंसा गर्नुपर्ने र यसले थप राम्रो काम गर्न प्रोत्साहन मिल्ने बताए। उनले नाडा सरकारसँग सहकार्य गर्दै देशको प्रगतिमा योगदान पुर्‍याउन तयार रहेको सन्देश दिए।