गत वर्ष सर्वाधिक नाफा कमाएको नबिल बैंक भने सम्पत्तिको आधारमा दोस्रो स्थानमा छ। यसको सम्पत्ति रु ६ खर्ब ८१ अर्ब ५५ करोड पुगेको छ, जुन १४.५७% को वृद्धि हो। तेस्रो स्थानमा राष्ट्रिय वाणिज्य बैंक (रु ५ खर्ब ८५ अर्ब २५ करोड) र चौथो स्थानमा नेपाल इन्भेष्टमेन्ट मेगा बैंक (रु ५ खर्ब ६५ अर्ब ६६ करोड) रहेका छन्। यी चारै बैंकको कुल सम्पत्ति ५ खर्ब रुपैयाँभन्दा माथि रहेको छ।

बैंकको कुल सम्पत्तिमा विभिन्न प्रकारका सम्पत्तिहरू समावेश हुन्छन्, जसमा नगद, नेपाल राष्ट्र बैंकमा रहेको मौज्दात, अन्य बैंकहरूमा रहेको मौज्दात, कर्जा तथा अग्रिम रकम, सुरक्षणपत्रमा गरिएको लगानी, भौतिक सम्पत्ति र अन्य विविध सम्पत्तिहरू पर्दछन्। यसका साथै, अन्य बैंकहरूको पनि सम्पत्तिमा वृद्धि भएको छ। लक्ष्मी सनराइज, कुमारी, प्रभु, नेपाल बैंक, एनआईसी एसिया, हिमालयन, एभरेस्ट, कृषि विकास, एनएमबी, सिद्धार्थ, प्राइम, सानिमा, सिटिजन्स, नेपाल एसबीआई, माछापुच्छ्रे र स्ट्यान्डर्ड चार्टर्ड बैंकको पनि सम्पत्तिमा उल्लेख्य वृद्धि भएको छ। यसले समग्र नेपाली बैंकिङ क्षेत्र बलियो बन्दै गएको संकेत गर्दछ।