यो अनुमति द्विपक्षीय सम्झौताअन्तर्गत मध्यम अवधिका लागि प्रदान गरिएको छ। यसको समयसीमा २०२५ अगस्ट २१ देखि २०२६ अक्टोबर ३१ सम्म रहनेछ। यसअघि नै भारतले नेपालबाट १ हजार १०.९ मेगावाट बिजुली खरिद गरिरहेको थियो।

भारतबाहेक नेपालले बंगलादेशलाई पनि ४० मेगावाट बिजुली निर्यात गर्दै आएको छ। यी दुवै मुलुकमा हुने निर्यातसहित नेपालको कुल बिजुली निर्यात स्वीकृत क्षमता १ हजार १३०.९ मेगावाट पुगेको प्राधिकरणले जनाएको छ। नेपालले वर्षायाममा बढी भएको बिजुली निर्यात गर्दै आएको छ भने सुख्खायाममा आवश्यकताअनुसार भारतबाट बिजुली आयात गर्ने गर्दछ।