‘नाडा अटो सो, २०२५’ को अवसरमा आयोजित ‘कर्जा नीतिमा स्थिरता: अटोमोबाइल बजारको दीर्घकालिन विकासको आधार’ विषयक अन्तरक्रियामा बोल्दै शर्माले काठमाडौंमा दर्ता भएका हायर पर्चेज कम्पनीहरूले गाउँगाउँसम्म पुगेर कर्जा प्रवाह गरेको जानकारी दिए।

उनले हायर पर्चेज कम्पनीहरूलाई कर्जा प्रवाहमा थप सहजीकरण गरिदिन आग्रह गर्दै नेपालमा स्थापित कम्पनीले बेच्ने गाडीमा ऋण दिँदा समस्या कम हुने गरेको बताए। हाल विद्युतीय गाडी (EVs) को माग बढी भएकाले त्यसका लागि कर्जाको माग पनि बढी रहेको उनले औंल्याए। अटो क्षेत्रमा कर्जा दिँदा बिक्रीपछिको सेवा र नेपालमा उपलब्ध सर्भिसलाई पनि प्राथमिकतामा राखिने र यस क्षेत्रमा खराब कर्जाको समस्या न्यून रहेको पनि उनले बताए।