यो बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थाहरूले मात्र सहभागी हुन पाउनेछन्। राष्ट्र बैंकले आज मध्याह्न ३ बजेसम्म अनलाइनमार्फत बोलकबोल गर्ने समय तोकेको छ।

निक्षेप संकलनका लागि न्यूनतम १० करोड रुपैयाँ र अधिकतम ५ करोड रुपैयाँले भाग जाँदा नि:शेष हुने गरी रकमको बोलकबोल गर्न सकिनेछ। रकम बाँडफाँट गर्दा सबैभन्दा कम ब्याजदरलाई पहिलो प्राथमिकता दिइने राष्ट्र बैंकले जनाएको छ।

खिचिएको यो रकम र यसको ब्याज असोज ५ गते भुक्तानी गरिनेछ। यस कदमले बजारमा रहेको तरलतालाई व्यवस्थापन गर्न सहयोग पुग्ने अपेक्षा गरिएको छ।