प्रतियोगितामा नेपालले यसअघि खेलेका तीन खेलमध्ये एकमा मात्र जित हासिल गरेको छ। पहिलो खेलमा भारतसँग ७-० को फराकिलो हार बेहोरेको नेपालले दोस्रो खेलमा भुटानलाई २-१ ले हराएर लयमा फर्किएको संकेत दिएको थियो। तर, तेस्रो खेलमा भने नेपाल बंगलादेशसँग ३-० ले पराजित हुन पुग्यो।

भुटान, नेपाल, भारत र बंगलादेश गरी चार टोली सहभागी यस डबल राउन्ड-रोबिन प्रतियोगितामा नेपालले अब अगस्ट २९ मा भारत र अगस्ट ३१ मा भुटानसँग खेल्नेछ। उपाधि होडमा रहिरहन नेपालका लागि आजको खेलमा जित हासिल गर्नु अनिवार्य छ।