तरुण खबर
११ भाद्र २०८२, बुधबार १२:०५
काठमाडौं, ११ भदौ । चालु आर्थिक वर्षको पहिलो महिनामा झापास्थित ककरभिट्टा भन्सार नाकाबाट १ अर्ब ५० करोड रुपैयाँ बराबरको पेट्रोलियम पदार्थ आयात भएको छ। यो गत वर्षको सोही अवधिको तुलनामा ३.६ प्रतिशतले बढी हो। आयात बढेसँगै राजस्व सङ्कलनमा पनि वृद्धि भएको छ, जुन ११.८ प्रतिशतले बढेर ७४ करोड ८३ लाख रुपैयाँ पुगेको छ।
यस अवधिमा कुल ८,९०४ किलोलिटर पेट्रोल, ४,६७६ किलोलिटर डिजेल, १,९३३ मेट्रिक टन एलपी ग्यास, ७९२ किलोलिटर हवाई इन्धन र १२८ किलोलिटर मट्टितेल आयात भएको छ। यस तथ्याङ्कले पूर्वी नाकाबाट पेट्रोलियम पदार्थको आयातमा वृद्धि भइरहेको देखाउँछ।
अनामनगर, काठमाण्डौ , नेपाल ।
9823523456
tarunkhabar5@gmail.com
