उनी आफ्नो प्रतिनिधिमण्डलका साथ तियान्जिनबाट रेलमार्फत बेइजिङ पुगेको उनको निजी सचिवालयले जनाएको छ।

सम्मेलनका दौरान प्रधानमन्त्री ओलीले चिनियाँ राष्ट्रपति सी जिनपिङ, रुसी राष्ट्रपति भ्लादिमिर पुटिन, भारतीय प्रधानमन्त्री नरेन्द्र मोदी लगायतका अन्य राष्ट्र तथा सरकार प्रमुखहरूसँग महत्वपूर्ण भेटवार्ता गरेका थिए।

आज, प्रधानमन्त्री ओलीले चिनियाँ उप-राष्ट्रपति हान झेङसँग भेटवार्ता गर्ने कार्यक्रम तय भएको छ। यस भेटमा दुई देशबीचको सम्बन्ध र द्विपक्षीय हितका विषयमा छलफल हुने अपेक्षा गरिएको छ।