काठमाडाैं, १८ भदाै । नेपालमा सञ्चालित लघु निर्जीवन बीमा कम्पनीहरूले चालु आर्थिक वर्ष २०८२-८३ को पहिलो महिना (साउन) मा नै उल्लेखनीय कारोबार गरेका छन्। नेपाल बीमा प्राधिकरणले सार्वजनिक गरेको तथ्यांकअनुसार, चारवटा लघु निर्जीवन बीमा कम्पनीले एक महिनामा २८ हजारभन्दा बढी बीमालेख बिक्री गरेर झन्डै ८ करोड रुपैयाँ बराबरको बीमा शुल्क आर्जन गरेका छन्।

साउन महिनामा २८ हजार ४५६ वटा बीमालेख बिक्री गरेर यी कम्पनीहरूले कुल ७ करोड ८२ लाख ८६ हजार रुपैयाँ बीमा शुल्क आर्जन गरेका हुन्।

कम्पनीहरूको तथ्याङ्क हेर्दा:

• प्रोटेक्टिभ माइक्रो इन्स्योरेन्स सबैभन्दा अगाडि देखिएको छ। यस कम्पनीले ७ हजार ९९२ बीमालेख बिक्री गरी २ करोड ८ लाख ८३ हजार रुपैयाँ बीमा शुल्क आर्जन गरेको छ।
• दोस्रो स्थानमा रहेको नेपाल माइक्रो इन्स्योरेन्सले ६ हजार ९७३ बीमालेख बिक्रीबाट २ करोड १ लाख २१ हजार रुपैयाँ कमाएको छ।
• ट्रस्ट माइक्रो इन्स्योरेन्सले ६ हजार १३२ बीमालेख बिक्री गरेर १ करोड ९८ लाख २ हजार रुपैयाँ आम्दानी गरेको छ।
• स्टार माइक्रो इन्स्योरेन्सले ७ हजार ३५९ बीमालेख बिक्री गरी १ करोड ७४ लाख ८० हजार रुपैयाँ बीमा शुल्क आर्जन गरेको छ।

यसले नेपाली बजारमा लघुबीमाको माग बढिरहेको र यस क्षेत्रको विस्तारको सम्भावना ठूलो रहेको देखाउँछ।