इन्डिगोद्वारा जारी आधिकारिक ट्राभल एडभाइजरी अनुसार, सेप्टेम्बर ११ (भदौ २५) देखि काठमाडौं आउने र जाने गरी चारवटा दैनिक उडानहरू सञ्चालन हुनेछन्।

यसका अतिरिक्त, सोही दिन नियामक निकायबाट अनुमति प्राप्त भएमा दुईवटा विशेष राहत उडान पनि सञ्चालन गर्ने एयरलाइन्सले बताएको छ। यी विशेष उडानहरूमा यात्रुहरूलाई सहुलियतपूर्ण भाडामा सेवा दिइनेछ, जसले गर्दा फसेका यात्रुहरूलाई घर फर्कन सहज हुनेछ।

‘काठमाडौंको यस असामान्य परिस्थितिमा, हाम्रा लागि प्राथमिकता तपाईंहरूलाई आफ्ना परिवारसँग मिलाउनु हो,’ एयरलाइन्सले एक विज्ञप्तिमा भनेको छ। ‘तपाईंको सुरक्षा र मानसिक शान्ति नै हाम्रो हरेक कदमको केन्द्रबिन्दुमा छ।’

इन्डिगोले आफ्ना यात्रुहरूलाई उडान तालिका र टिकटसम्बन्धी थप जानकारीका लागि आधिकारिक सञ्चार माध्यमहरूलाई पछ्याउन आग्रह गरेको छ।