राजनीतिक र जघन्य अपराधका कैदी पनि फरार

फरार हुनेमा सहकारी ठगी प्रकरणका आरोपित राष्ट्रिय स्वतन्त्र पार्टी (रास्वपा) का अध्यक्ष रवि लामिछाने, नक्कली भुटानी शरणार्थी प्रकरणका आरोपित नेता टोपबहादुर रायमाझी लगायतका राजनीतिक व्यक्तिहरुसमेत छन्। यस्तै, हत्या, बलात्कार, अपहरण र मानव बेचबिखनजस्ता जघन्य अपराधमा सजाय भोगिरहेका कैदीबन्दीहरू पनि भागेपछि घटनाका पीडित परिवारमा त्रास बढेको छ।

प्रमुख कारागारहरूबाट भागेका कैदीबन्दीको विवरण

• केन्द्रीय कारागार, सुन्धारा: ३ हजार ३ सय जना फरार।
• नख्खु कारागार, ललितपुर: १ हजार ४ सय जना फरार।
• कास्की कारागार: ७ सय ७३ जना फरार।
• रौतहटको गौर कारागार: २ सय ६० जना फरार, जसमध्ये १३ जना भारतमा पक्राउ परेका छन्।
• चितवन कारागार: ७ सय जना फरार।
• जलेश्वर कारागार, महोत्तरी: ५ सय ७५ जना फरार।
• कपिलवस्तु कारागार: ४ सय ५९ जना फरार, जसमध्ये ७४ जना नियन्त्रणमा।
• झुम्का कारागार, सुनसरी: १ हजार ५ सय ७५ जना फरार।
• भीमफेदी कारागार, मकवानपुर: २ सय ६० जना फरार।
• बाँके कारागार: ४ सय ३६ जना फरार।
• कैलाली कारागार: ६ सय १२ जना फरार।
• डडेलधुरा कारागार: ८५ जना फरार, जसमध्ये ३२ जना पक्राउ।
• कञ्चनपुर कारागार: ४ सय ५५ जना फरार, जसमध्ये २१ जना फर्किएका छन्।
• सिन्धुली कारागार: करिब ५ सय जना फरार।
• धादिङ कारागार: २ सय ४३ जना भाग्न खोज्दा सेनाको गोली लागेर २ जनाको मृत्यु र ७ जना घाइते भएका छन्।

सुरक्षाकर्मीद्वारा खोजी कार्य जारी

केही स्थानमा भने कैदीबन्दी आफैँ कारागार फर्किएका छन् भने कतिपयलाई सुरक्षाकर्मीले नियन्त्रणमा लिएका छन्। नेपाल प्रहरी, सशस्त्र प्रहरी र नेपाली सेनाले फरार कैदीबन्दीको खोजी कार्यलाई तीव्रता दिएका छन्। कारागार व्यवस्थापन विभागका महानिर्देशक लीलाप्रसाद शर्माका अनुसार फरार कैदीबन्दीको यकिन तथ्याङ्क संकलन कार्य जारी छ।

यसैबीच, बाल सुधारगृहमा गोली चल्दा ५ जना बालबालिकाको मृत्यु भएको खबर आएको छ। यद्यपि, यसको विस्तृत जानकारी आउन बाँकी छ।