परिषद्ले रातिको समयमा चोरी, लुटपाट र झैंझगडाका घटना बढ्दै गएको र यसले सुरक्षामा चुनौती थपेको जनाएको छ। राति अबेरसम्म सडकमा हुने अनावश्यक भीडभाड र अवाञ्छित गतिविधि नियन्त्रण गर्नका लागि समयसीमा तोकिएको परिषद्ले जनाएको छ।

लामो समयदेखि ठूला व्यवसायहरूले रातभर खुला रहने साना मदिरा पसल र ठेलागाडाका कारण आफ्नो व्यवसायमा नकारात्मक असर परेको गुनासो गर्दै आएका थिए। पर्यटन सिजन सुरु हुनुअघि नै ठमेललाई सुरक्षित र व्यवस्थित बनाउन यो कदम चालिएको परिषद्ले बताएको छ। परिषद्ले सबै व्यवसायीलाई यो नियम पालना गरी सहयोग गर्न आग्रह गरेको छ।