सुरुमा भदौ २४ गते निष्कासन बन्द गर्ने भनिए पनि सो दिनको विशेष परिस्थितिका कारण म्याद एक दिन थप गरिएको थियो।

यस चरणमा कम्पनीले कुल ४ लाख ७३ हजार ३३६ कित्ता साधारण शेयर सर्वसाधारणका लागि निष्कासन गरेको हो। यसबाहेक, सामूहिक लगानी कोषलाई २८ हजार ५१४ कित्ता र कर्मचारीहरूका लागि ११ हजार ४०६ कित्ता शेयर छुट्याइएको छ।

प्रतिशेयर १०० रुपैयाँका दरले लगानीकर्ताले न्यूनतम १० कित्ता र अधिकतम ५ हजार कित्तासम्मका लागि आवेदन दिन सक्नेछन्। कम्पनीले यसअघि नै आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूका लागि आईपीओ बाँडफाँट गरिसकेको छ।