प्रदर्शनकारीहरूले टेलिकमको दुवै कार्यालयमा आगजनी गर्दा विशेषगरी महसुल काउन्टरमा बढी क्षति भएको प्रमुख साहले जानकारी दिए।

यस घटनापछि पर्साका प्रमुख जिल्ला अधिकारी तोयनारायण सुवेदीले सरकारी कार्यालयमा भएको क्षतिको मुचुल्का पारदर्शी र यथार्थपरक ढंगले तयार पार्न सम्बन्धित निकायलाई निर्देशन दिएका छन्। उनले मुचुल्का तयार पार्दा श्रव्यदृश्य र अन्य व्यवस्थित तरिका अपनाउन आग्रह गरेका छन्। यस आन्दोलनमा वीरगञ्ज महानगरपालिका र आन्तरिक राजस्व कार्यालय लगायतका अन्य सरकारी कार्यालयहरूमा पनि ठूलो क्षति पुगेको बताइएको छ।