एसोसिएसनका महासचिव विनोद प्रकाश पण्डितले एक प्रेस विज्ञप्ति जारी गर्दै आन्दोलनका क्रममा क्षति पुगेका संरचनाको मूल्याङ्कन र पुनर्निर्माणका लागि प्राविधिक सहयोग उपलब्ध गराइने जानकारी दिए। उनले १९९० र २०७२ सालको भूकम्पपछिको पुनर्निर्माणमा नेपाली प्राविधिक जनशक्तिको मेहनत, श्रम र विशेषज्ञता महत्त्वपूर्ण रहेको उल्लेख गर्दै यस प्रकारको सहयोगलाई निरन्तरता दिन चाहेको बताए।

एसोसिएसनका अध्यक्ष सुभाष चन्द्र बरालका अनुसार आइतबारदेखि सर्वोच्च अदालत, काठमाडौं जिल्ला अदालत र नेपाल बार एसोसिएसनका भवनहरूको प्रारम्भिक मूल्याङ्कन सुरु गरिएको छ। यो मूल्याङ्कनमा भौतिक संरचनाको तत्काल निरीक्षण, जोखिम मूल्याङ्कन, वैकल्पिक व्यवस्थापनको योजना र पुनर्निर्माणका लागि सम्भाव्यता अध्ययन समावेश हुने उनले बताए।