तरुण खबर
२ आश्विन २०८२, बिहीबार १०:३४
काठमाडाैं, २ भदाै । केही दिनअघिसम्म चम्किरहेका नयाँ गाडीहरू अहिले थापाथलीको सडक छेउमा जलेको फलाम र खरानीको थुप्रो बनेका छन्। ‘जेनजी आन्दोलन’को नाममा भदौ २४ गते भएको प्रदर्शन हिंसात्मक बनेपछि काठमाडौंको प्रमुख अटो हब ध्वस्त भएको छ। यस घटनाले दशैं–तिहारको मुखमा अटो व्यवसायीहरूका सपना र लगानीमा ठूलो धक्का पुगेको छ।
करोडौंको क्षति, खरानी बनेका सपना
यस वर्षको साउन र भदौमा सम्पन्न भएका दुई ठूला अटो शो, नेपाल मोबिलिटी एक्स्पो र नाडा अटो शो, मार्फत अटो बजारमा उत्साह छाएको थियो। यी शोहरूबाटै वर्षभरि बिक्री हुने गाडीमध्ये ४० प्रतिशतभन्दा बढी गाडी बुकिङ भइसकेका थिए। दशैं-तिहारलाई लक्षित गरी व्यवसायीहरूले विशेष अफर र कर्जा सहुलियतका योजना ल्याएका थिए। तर, भदौ २४ गतेको आन्दोलनले एकैछिनमा त्यो उत्साहलाई खरानी बनाइदियो।
थापाथली क्षेत्रमा मात्रै ३० देखि ५० वटा नयाँ गाडी पूर्णरूपमा जलेर नष्ट भएका छन् भने आधा दर्जन शोरुममा आंशिक तथा पूर्ण आगजनी भएको छ। व्यवसायीहरूले अझै पनि क्षतिको पूर्ण मूल्यांकन गरिरहेका छन्।
कुन कम्पनीलाई कति क्षति?
अटो बजारमा भविष्यको चिन्ता
यस घटनाले अटो व्यवसायी र ग्राहक दुवैमा त्रास बढाएको छ। चाडपर्वको सिजनमा गाडी खरिदको उत्साहमा कमी आएको छ र यसले आगामी महिनाहरूमा बिक्रीमा थप गिरावट आउन सक्ने चिन्ता बढेको छ। थापाथलीबाहेक पोखरा र चितवनमा पनि केही शोरुममा क्षति पुगेको छ।
व्यवसायीहरूले क्षतिको मूल्यांकन गरिरहेका छन् र पुन: निर्माणमा समय लाग्ने बताउँछन्। उनीहरूले सरकार र सम्बन्धित निकायहरूबाट क्षतिपूर्ति र सुरक्षाको ग्यारेन्टीको माग गरेका छन्। अहिले अटो व्यवसायीहरू र सरकारसामु यो घटनाबाट उठेर कसरी बजारलाई फेरि पुरानै लयमा फर्काउने भन्ने ठूलो चुनौती खडा भएको छ। दशैं-तिहारको रौनकले भरिनुपर्ने थापाथलीको अटो बजार अहिले शून्यता, त्रास र जलेका सपनाहरूको प्रदर्शनी बनेको छ।
अनामनगर, काठमाण्डौ , नेपाल ।
9823523456
tarunkhabar5@gmail.com
