पर्यटकीय सिजनमै पर्यटक आगमन खुम्चियो, भदौको आन्दोलनले असर

काठमाडाैं, २२ असाेज । नेपालमा पर्यटकीय सिजन सुरु भइसक्दा पनि विदेशी पर्यटकको आगमन खुम्चिँदै गएको देखिएको छ। गत भदौ २३ र २४ गते भएको ‘जेनजी आन्दोलन’ (GenZ Movement) पश्चात नेपाल भित्रिने पर्यटकको सङ्ख्यामा गिरावट आएको हो।

सेप्टेम्बरमा १८ प्रतिशतले घट्यो आगमन

नेपाल पर्यटन बोर्डको तथ्याङ्कअनुसार, सन् २०२५ को सेप्टेम्बर महिनामा जम्मा ७८ हजार ७११ विदेशी पर्यटक मात्र नेपाल भित्रिएका छन्।

यो सङ्ख्या अघिल्लो वर्ष, सेप्टेम्बर २०२४ को तुलनामा १८.३ प्रतिशतले कम हो। गत वर्ष सेप्टेम्बरमा ९६ हजार ३०२ पर्यटक नेपाल भ्रमणमा आएका थिए।
तथ्याङ्क हेर्दा पर्यटकीय सिजनमै आगमन खुम्चिएको देखिन्छ। यसअघि २०२५ को जुलाइमा ७० हजार र अगष्टमा ८८ हजार ६८० पर्यटक नेपाल भित्रिएका थिए।

प्रमुख मुलुकबाट पर्यटकको सङ्ख्या

सेप्टेम्बर महिनामा नेपाल भित्रिएका प्रमुख मुलुकका पर्यटकहरूको सङ्ख्या निम्नानुसार रहेको छ:

मुलुक	पर्यटक सङ्ख्या
भारत	१५ हजार ५५६
अमेरिका	९ हजार ६७९
चीन	५ हजार २३७
श्रीलङ्का	३ हजार १५
बङ्गलादेश	२ हजार २३०