सन् २०२५ को अन्त्यसम्ममा एशियन ब्याट्रीले ६२ करोड १० लाख रुपैयाँको व्यापार गरेको छ। यो व्यापार सन् २०२४ मा भएको ५१ करोड ७० लाख रुपैयाँको तुलनामा २०.११ प्रतिशतले बढी हो।

पाँच वर्षमा तीन गुणाले बढ्यो कारोबार

सन् २०१२ मा स्थापित एशियन ब्याट्रीको कारोबार पछिल्लो पाँच वर्षमा झन्डै तीन गुणाले बढेको देखिन्छ।

• सन् २०२१ देखि २०२५ सम्मको अवधिमा कम्पनीले वार्षिक औसत २९ प्रतिशतको दरले व्यापार विस्तार गरेको छ।
• सन् २०२२ मा कम्पनीको कारोबार २२ करोड ५० लाख रुपैयाँमा सीमित थियो, जुन सन् २०२५ मा ६२ करोड १० लाख रुपैयाँ पुगेको छ।
• त्यस्तै, सन् २०२३ मा कम्पनीले ४३ करोड रुपैयाँको कारोबार गरेको थियो।

नाफाको ग्राफ पनि उकालो

व्यापार वृद्धिसँगै कम्पनीको खुद नाफाको ग्राफ पनि लगातार सुधारिएको छ। गत आर्थिक वर्षमा कम्पनीले ३.३९ प्रतिशत खुद नाफा कमाएको छ, जबकि अघिल्लो वर्ष यो नाफा २.३२ प्रतिशत मात्रै थियो।

विराटनगरस्थित उद्योगले विद्युतीय सवारी साधन, अटोमोटिभ र ट्युबलर ब्याट्रीहरू उत्पादन गर्दै आएको छ। कम्पनीले वार्षिक ५४ मेट्रिक टन उत्पादन क्षमतासहित आवश्यक कच्चा पदार्थको करिब ७० प्रतिशत आन्तरिक बजारबाटै आपूर्ति गर्ने रणनीति अपनाएको छ, जसले उत्पादन लागत घटाउन सहयोग पुगेको छ।