नेपाली समयअनुसार आज राति ८:४५ बजे सुरु हुने यस खेलमा जित हात पारे नेपालको २०२६ को टी-२० विश्वकपमा छनोट हुने सम्भावना लगभग पक्का हुनेछ।

अंक तालिकामा नेपाल दोस्रो स्थानमा

सुपर सिक्समा नेपालले आफ्नो पहिलो खेलमा चिरपरिचित प्रतिद्वन्द्वी यूएईलाई १ रनको रोमाञ्चक अन्तरले पराजित गरेको थियो। यो जितसँगै नेपालले ४ अंक जोडेर अंक तालिकाको दोस्रो स्थान मा रहेको छ।

पहिलो खेल जितेको ओमान पनि ४ अंकका साथ रनरेटमा अगाडि रहँदै शीर्ष स्थानमा छ। यस्तै, यूएई र जापानको २-२ अंक छ भने कतार र सामोआले हालसम्म खाता खोल्न सकेका छैनन्।

समूह ‘बी’ को विजेताका रूपमा सुपर सिक्समा प्रवेश गरेको नेपाल आज अंकविहीन रहेको कतारलाई पराजित गरी विश्वकप यात्रा थप सहज बनाउने लक्ष्यमा छ।

नेपालको आगामी खेल तालिका (नेपाली समयअनुसार):

यस सुपर सिक्स चरणका शीर्ष तीन टोलीले आगामी वर्ष भारत र श्रीलंकामा आयोजना हुने आईसीसी टी-२० विश्वकप २०२६ का लागि स्थान सुरक्षित गर्नेछन्।