प्राधिकरणका अनुसार, असोज २८ गते मंगलबारसम्म बीमा कम्पनीहरूमा कुल २३ अर्ब १९ करोड ३६ लाख रुपैयाँ बराबरको क्षति दावी पेश भएको छ। यसमध्ये कम्पनीहरूले अग्रिम भुक्तानीसहित १ अर्ब ९५ करोड ४७ लाख रुपैयाँ बराबरको दावी भुक्तानी गरिसकेका छन्।

कुन बीमामा कति दावी र भुक्तानी?

जेनजी आन्दोलनमा निजी तथा सार्वजनिक सम्पत्तिमा व्यापक तोडफोड तथा आगजनी भएको थियो, जसको क्षतिपूर्ति विभिन्न बीमा योजनामार्फत माग गरिएको छ:

कुन कम्पनीले कति भुक्तानी गरे?

आन्दोलनको क्षति उपर सबैभन्दा बढी दावी भुक्तानी गर्नेमा सिद्धार्थ प्रिमियर इन्स्योरेन्स देखिएको छ।

• सिद्धार्थ प्रिमियर इन्स्योरेन्स: कम्पनीमा ५ अर्ब ४८ करोड ५४ लाख रुपैयाँ बराबरको दावी परेकोमा ७८ करोड ८ लाख रुपैयाँ भुक्तानी भएको छ।
• शिखर इन्स्योरेन्स: २ अर्ब ४१ करोड ११ लाख रुपैयाँ बराबरको दावी परेकोमा ४२ करोड २७ लाख रुपैयाँ भुक्तानी।
• आइजिआई प्रुडेन्सियल: ३० करोड ७६ लाख रुपैयाँ भुक्तानी।
• हिमालयन एभरेष्ट: २४ करोड ५३ लाख रुपैयाँ भुक्तानी।
• नेको इन्स्योरेन्स: ८ करोड ३९ लाख रुपैयाँ भुक्तानी।
• नेपाल इन्स्योरेन्स: ५ करोड २७ लाख रुपैयाँ भुक्तानी।
• सगरमाथा लुम्बिनी: २ करोड ७९ लाख रुपैयाँ भुक्तानी।
• युनाईटेड अजोड: १ करोड ७८ लाख रुपैयाँ भुक्तानी।

दावी रकम र भुक्तानी दिने सिलसिला बढ्दो क्रममा रहेको बीमा प्राधिकरणले जनाएको छ।