काठमाडाैं, ९ कार्तिक । बहुराष्ट्रिय कम्पनी युनिलिभर नेपाल लिमिटेडको प्रतिकित्ता रु. १,८४२ नगद लाभांश सुरक्षित गर्ने अन्तिम दिन आज (कात्तिक ९ गते, आइतबार) रहेको छ।

कम्पनीले कात्तिक २५ गते, मंगलबार, आफ्नो ३२औँ वार्षिक साधारण सभा आयोजना गर्दैछ। उक्त सभा र लाभांश वितरण प्रयोजनार्थ कम्पनीले कात्तिक ११ गतेदेखि कात्तिक २५ गतेसम्म बुकक्लोज गर्ने निर्णय गरेको छ।

सार्वजनिक बिदाका कारण आजै अन्तिम दिन: भोलि अर्थात कात्तिक १० गते छठ पर्वको सार्वजनिक बिदा परेकाले आजसम्म (कात्तिक ९ गते) नेपाल स्टक एक्सचेन्ज (नेप्से) मा कारोबार भई कायम शेयरधनीहरूले मात्र कम्पनीको साधारण सभामा सहभागिता जनाउन र प्रस्तावित नगद लाभांश प्राप्त गर्न सक्नेछन्।

साधारण सभाका मुख्य प्रस्ताव: कम्पनीले बोलाएको साधारण सभा द एभरेष्ट होटल, नयाँ बानेश्वर, काठमाडौँमा दिउँसो साढे ४ बजे शुरु हुनेछ। सभाले निम्न प्रस्तावहरू पारित गर्नेछ:

• शेयरधनीहरूलाई प्रतिकित्ता १ हजार ८४२ रुपैयाँका दरले नगद लाभांश वितरण गर्ने।
• नयाँ लेखापरीक्षक नियुक्त गर्ने।
• सामाजिक र सामुदायिक परियोजनाहरूमा आर्थिक योगदान गर्ने लगायतका प्रस्तावहरू।

लगानीकर्ताहरूका लागि यो आजको कारोबार समय भित्र शेयर खरिद गरेर उच्च प्रतिफल दिने युनिलिभरको आकर्षक लाभांश सुरक्षित गर्ने अन्तिम अवसर हो।