यो सङ्ख्या यस सिजनकै एकै दिनमा दर्शन गर्ने भक्तजनको सबैभन्दा ठूलो भएको पाथीभरा क्षेत्र विकास समितिले जनाएको छ। ठूलो संख्यामा भक्तजनको आगमन भएपछि दर्शनका लागि बिहान ३ बजेदेखि दिउँसो ३ बजेसम्म लामो लाइन लागेको थियो।

पाथीभरा मन्दिरमा वर्षभरि नै तीर्थयात्रीहरू पुग्ने गरे पनि दसैँ-तिहारको समयमा भक्तजनको सङ्ख्या उल्लेख्य रूपमा बढ्ने गर्दछ।

समितिका कार्यकारी निर्देशक प्रजिन हाङबाङका अनुसार गत असोज महिनाभरमा २९ हजार १ सय ७४ जना भक्तजनले मन्दिरको दर्शन गरेका थिए। उहाँले आज (आइतबार) बिहानैदेखि पनि पाथीभरामा दर्शनार्थीको ठूलो घुइँचो लागेको जानकारी दिनुभयो।

हाल पाथीभरा दर्शनका लागि मौसम अनुकूल रहेको र चाडपर्वका कारण पनि भक्तजनको भीड बढेको बताइएको छ।