तरुण खबर
१२ कार्तिक २०८२, बुधबार ११:३४
काठमाडाैं, १२ कार्तिक । वित्तीय प्रणालीमा लामो समयदेखि अधिक तरलता (लगानीयोग्य रकमको थुप्रो) रहेको र बैंकहरूले लगानी गर्न नसकेको भनिएका बेला पनि केही वाणिज्य बैंकको कर्जा निक्षेप अनुपात (सीडी रेसियो) भने उच्च देखिएको छ। नेपाल बैंकर्स संघको तथ्याङ्कअनुसार, कुल २० वाणिज्य बैंकमध्ये ६ वटाले आफ्नो कुल निक्षेपको ८० प्रतिशतभन्दा बढी कर्जा लगानी गरेका छन्।
सीडी रेसियोमा अग्रस्थानमा प्राइम बैंक
गत असोज मसान्तसम्मको तथ्याङ्क अनुसार प्राइम कमर्सियल बैंक सीडी रेसियोमा सबैभन्दा अगाडी देखिएको छ। प्राइम बैंकले आफ्नो कुल निक्षेपको ८६.२६ प्रतिशत कर्जा प्रवाह गरेको छ।
पछिल्लो समय आक्रामक कर्जा विस्तार गर्ने एनआईसी एशियाजस्ता बैंकले आफ्नो व्यवसायको आकार घटाइरहेका बेला यी बैंकहरूले भने वित्तीय व्यवस्थापनलाई चुस्त राख्दै नयाँ कर्जा प्रवाह गरिरहेका छन्।
८० प्रतिशतको नजिक रहेका बैंकहरू
हिमालयन, माछापुच्छ्रे, नबिल र लक्ष्मी सनराइज बैंकको सीडी रेसियो पनि ८० प्रतिशतकै छेउछाउमा पुगेको छ। यसैगरी, एभरेष्ट र ग्लोबल आईएमई बैंकले कुल निक्षेपको करिब ७५ प्रतिशत हाराहारी कर्जा लगानी गरेका छन् भने नेपाल इन्भेष्टमेन्ट मेगा बैंक त्यसभन्दा पछाडि छ।
सरकारी बैंकहरू र केही निजी बैंकको कर्जा प्रवाह सुस्त
वित्तीय व्यवस्थापनमा सरकारी स्वामित्वका बैंकहरू र केही निजी बैंक भने पछि परेको देखिन्छ।
यसले देखाउँछ कि समग्र प्रणालीमा तरलता अधिक भए पनि, केही बैंकहरू भने अझै पनि आफ्नो कर्जा क्षमताको अधिकतम उपयोग गर्न सफल भइरहेका छन्।
अनामनगर, काठमाण्डौ , नेपाल ।
9823523456
tarunkhabar5@gmail.com
