के थियो विवाद?

विवादित वृत्तचित्र ‘ट्रम्प: ए सेकेन्ड चान्स?’ मा ट्रम्पको २०२१ को जनवरी ६ को भाषणका अंशहरूलाई जोडेर प्रस्तुत गरिएको थियो।³ यसमा करिब एक घण्टाको फरकमा बोलिएका तीनवटा भनाइहरूलाई एकै ठाउँमा मिसाइएको थियो।

बीबीसीले आफ्नो गल्ती स्वीकार गर्दै भनेको छ, “हामी स्वीकार गर्छौं कि हाम्रो सम्पादनले अनजाने रूपमा हामीले भाषणको एउटै निरन्तर भाग देखाउँदैछौं भन्ने छाप सिर्जना गर्‍यो, र यसले राष्ट्रपति ट्रम्पले हिंसात्मक कारबाहीको लागि सीधा आह्वान गर्नुभएको हो भन्ने गलत धारणा दियो।” सम्पादनमा ट्रम्पले आफ्ना समर्थकहरूलाई शान्तिपूर्ण प्रदर्शन गर्न आग्रह गरेको अंशहरू काटिएको थियो।

क्षतिपूर्ति र राजीनामा

ट्रम्पका वकिलले बीबीसीलाई माफी माग्न र वृत्तचित्र पूरै फिर्ता लिन माग गर्दै १ अर्ब डलरको क्षतिपूर्ति नदिए मुद्दा दायर गर्ने चेतावनीसहित पत्र पठाएका थिए, जसको जवाफ दिने समयसीमा शुक्रबारसम्म तोकिएको थियो।

बीबीसीले माफी दिए पनि क्षतिपूर्तिको मागलाई भने ठाडै अस्वीकार गरेको छ। यस विवादको कारण, बीबीसीका महानिर्देशक टिम डेभी र समाचार प्रमुख डेबोरा टर्नेस ले आइतबार राजीनामा दिएका थिए। उनिहरूले यो काण्डले बीबीसीलाई क्षति पुर्‍याएको भन्दै समाचार तथा समसामयिक मामिलाको सीईओको नाताले जिम्मेवारी लिएको बताएका थिए।