काठमाडाैं, ३० कार्तिक । नेपाल वितरक संघ काठमाडौं पूर्व क्षेत्रीय समितिको चौथो अधिवेशन २०८२ ले नीलकण्ठ ढकालको संयोजकत्वमा नयाँ कार्यसमिति सर्वसम्मतरूपमा चयन गरेको छ। शनिबार सम्पन्न अधिवेशनले वितरण क्षेत्रका समस्या समाधान र सदस्यहरूको क्षमता विकासमा जोड दिने प्रतिबद्धता व्यक्त गरेको छ।

नयाँ कार्यसमिति (२०८२)

वस्तुगत उपसमितिहरू सर्वसम्मत चयन

अधिवेशनले विभिन्न वस्तुगत उपसमितिहरू पनि सर्वसम्मत रूपमा चयन गरेको छ:

सल्लाहकार समिति

सल्लाहकार समिति संयोजकमा विश्वमणि रेग्मी चयन भएका छन्। समितिका सदस्यहरूमा रमेश नेमाफुकी र कमल बराल चयन भएका छन्।

संघको प्रतिबद्धता र आग्रह

अधिवेशनको उद्घाटन गर्दै नेपाल वितरक संघका अध्यक्ष प्रेमहरि मैनालीले एकताबद्ध वितरक संघ निर्माण आफ्नो मुख्य इच्छा रहेको बताए। उनले सदस्यहरूको मूलभूत आवश्यकता परिपूर्ति गर्न संघले काम गर्ने प्रतिबद्धता जनाए।

अध्यक्ष मैनालीले वितरकहरूलाई सामूहिक दुर्घटना बीमा मा आबद्ध हुन आग्रह गर्दै क्षमता विकासका लागि विभिन्न तालिम उपलब्ध गराउने घोषणा गरे।

कार्यक्रममा पूर्व अध्यक्षहरू दुर्गाराज श्रेष्ठ, राजेन्द्र सिंखडा, एसपी ढकाल, वरिष्ठ उपाध्यक्ष नवराज ढकाल, उपाध्यक्ष केशव प्रसाद मैनालीलगायतले नवनिर्वाचित समितिलाई शुभकामना दिँदै सबै वितरकलाई पारदर्शी र व्यवस्थित कारोबार मा लाग्न आग्रह गरे।