काठमाडाैं, ३ मंसिर । भारतका प्रधानमन्त्री नरेन्द्र मोदीले बुधबार देशका दुई महान् नारी व्यक्तित्वहरूलाई उनिहरूको जन्मजयन्तीको अवसरमा श्रद्धापूर्वक सम्झना गरेका छन् । प्रधानमन्त्री मोदीले भारतकी पहिलो तथा एक मात्र महिला प्रधानमन्त्री इन्दिरा गान्धीको १०८औं जन्मजयन्तीको अवसरमा उनिप्रति श्रद्धाञ्जली अर्पण गरेका छन् । मोदीले ‘एक्स’ (पहिलेको ट्विटर) मा पोस्ट गर्दै लेखेका छन्, “पूर्व प्रधानमन्त्री श्रीमती इन्दिरा गान्धीजीलाई उहाँको जन्मजयन्तीको अवसरमा श्रद्धाञ्जली।”

पण्डित जवाहरलाल नेहरू र कमला नेहरूकी सुपुत्री इन्दिरा गान्धी (जन्म: १९ नोभेम्बर १९१७) ले सन् १९६६ देखि १९७७ र फेरि १९८० देखि १९८४ मा आफ्नो हत्या नहुँदासम्म प्रधानमन्त्रीको रूपमा देशको नेतृत्व गरेका थिए। बैंकहरूको राष्ट्रियकरण र रजौटा भत्ता उन्मूलन जस्ता युगान्तकारी आर्थिक तथा सामाजिक सुधारहरूका लागि उनि परिचित छन्। ‘आइरन लेडी अफ इन्डिया’ (Iron Lady of India) को नामले चिनिने उनि नेहरू पछि भारतको दोस्रो सबैभन्दा लामो समय सेवा गर्ने प्रधानमन्त्री थए ।

रानी लक्ष्मीबाईको वीरताको सम्मान

सोही क्रममा, प्रधानमन्त्री मोदीले ‘वीर योद्धा रानी’ रानी लक्ष्मीबाईको १९७औं जन्मजयन्तीमा पनि उनिको बहादुरी र वीरताको प्रशंसा गर्दै श्रद्धाञ्जली व्यक्त गरेका छन्। प्रधानमन्त्री मोदीले ‘एक्स’ मा लेखेका छन्, “मातृभूमिकी अमर योद्धा रानी, रानी लक्ष्मीबाईको जन्मजयन्तीमा सादर नमन। स्वतन्त्रताको पहिलो संग्राममा उहाँले देखाउनुभएको बहादुरी र वीरताको कथाले आज पनि देशवासीको हृदयलाई उत्साह र जोशले भरिदिन्छ।” उनिले राष्ट्रले मातृभूमिको गौरवको रक्षाका लागि रानी लक्ष्मीबाईको बलिदान र सङ्घर्षलाई कहिल्यै बिर्सन नसक्ने पनि थपेका छन्।

यसैबीच, कांग्रेसका नेताहरू—जसमा राहुल गान्धी, पार्टी अध्यक्ष मल्लिकार्जुन खर्गे, सोनिया गान्धी लगायत अन्य नेताहरूले पनि पूर्व प्रधानमन्त्री इन्दिरा गान्धीको स्मारक स्थल शक्ति स्थलमा उनिप्रति पुष्पगुच्छा अर्पण गरी श्रद्धाञ्जली व्यक्त गरेका छन्।