काठमाडाैं, ५ मंसिर ।  सामसङ नेपालले सबै वर्गका प्रयोगकर्ताहरूका लागि उत्कृष्ट र बहुपयोगी ट्याब्लेट अनुभव प्रदान गर्ने उद्देश्यसहित ग्यालेक्सी ट्याब ए११ (Galaxy Tab A11) नेपाली बजारमा ल्याएको छ। यो ट्याब्लेटले कार्यक्षमता र आकर्षक डिजाइनको उत्तम सन्तुलन प्रस्तुत गरेको कम्पनीले जनाएको छ।

मुख्य विशेषताहरू:

• ठूलो र जीवन्त डिस्प्ले: ट्याब ए११ मा ८.७ इन्चको ठूलो डिस्प्ले रहेको छ, जसले चलचित्र, गेम तथा अनलाइन कक्षाका लागि जीवन्त र आकर्षक दृश्यावलोकन अनुभव सुनिश्चित गर्दछ।

• शक्तिशाली प्रोसेसर: यसमा हेलियो जी९९ (Helio G99) प्रोसेसर जडान गरिएको छ, जसले सहज मल्टिटास्किङ, द्रुत एप स्विचिङ र ल्याग-मुक्त स्ट्रिमिङका लागि सहयोग गर्दछ।

• ब्याट्री र पोर्टेबिलिटी: स्लिम र हल्का डिजाइन भएको यो ट्याब्लेटमा ५१०० mAh क्षमताको ब्याट्री छ, जसले दिनभरि निरन्तर प्रदर्शन प्रदान गर्छ।

• ग्यालेक्सी इकोसिस्टम: ट्याब ए११ ले ग्यालेक्सी इकोसिस्टमसँग सहज रूपमा जोडिन सक्छ। यसले गर्दा प्रयोगकर्ताहरूले आफ्ना स्मार्टफोनसँग सिंकमा रहन, फाइलहरू तुरुन्तै सेयर गर्न र सूचनाहरू सहजै व्यवस्थापन गर्न सक्छन्।

• दीर्घकालीन मूल्य: सामसङले यो ट्याब्लेटमा ७ वर्षको ओएस अपग्रेड र ७ वर्षको सुरक्षा अपडेट को प्रतिवद्धता दिएको छ, जसले गर्दा प्रयोगकर्ताहरूले लामो समयसम्म भरपर्दो प्रदर्शन र सुरक्षा प्राप्त गर्न सक्नेछन्।

• पारिवारिक प्रयोगका लागि: ट्याब ए११ मा सामसङ किड्स मोड, परिष्कृत अभिभावकीय नियन्त्रण र धेरै प्रयोगकर्ता प्रोफाइलहरूको सुविधा पनि छ, जसले यसलाई पारिवारिक प्रयोगका लागि आदर्श बनाउँछ।

सामसङ नेपालका एमएक्स निर्देशक प्रणय रत्न स्थापितले भन्नुभयो, “ग्यालेक्सी ट्याब ए११ मार्फत हामी नेपालमा अझ धेरै उपभोक्ताहरूमा सामसङको भरपर्दो कार्यक्षमता र नवीनता ल्याउँदैछौं। हाम्रो लक्ष्य विद्यार्थीदेखि परिवारसम्म हरेक प्रयोगकर्ताका लागि भरपर्दो, फिचर-युक्त उपकरणहरू उपलब्ध गराउनु हो।”

मूल्य र उपलब्धता:

सामसङ ग्यालेक्सी ट्याब ए११ देशभरका आधिकारिक सामसङ स्टोरहरू र खुद्रा विक्रेताहरूमार्फत उपलब्ध छ।

थप रूपमा, हुलास फिनसर्भ हायर पर्चेज लिमिटेडद्वारा सञ्चालित सामसङ इन्स्टा फाइनान्स सेवामार्फत ग्राहकहरूले शून्य प्रतिशत ब्याजदरमा सजिलो ईएमआई विकल्पसहित यो ट्याब्लेट खरिद गर्न सक्नेछन्।