काठमाडाैं, ८ मंसिर । भारतीय अटोमोबाइल बजारमा इन्धन बचत, प्रविधि र वातावरणमैत्री विकल्पहरूको माग बढिरहेका बेला होन्डाले आगामी वर्षहरूलाई लक्षित गर्दै एक महत्वाकांक्षी रणनीति सार्वजनिक गरेको छ। कम्पनीले सन् २०३० भित्र १० वटा नयाँ मोडलहरू बजारमा ल्याउने योजना बनाएको छ, जसमध्ये ‘हाइब्रीड एसयूभी’ हरूलाई प्रमुख हतियार बनाइने संकेत दिएको छ।

होन्डाले केही महिनाभित्रै ४ वटा नयाँ हाइब्रीड एसयूभीहरू भारतीय बजारमा भित्र्याउने तयारी गरेको छ। यी मोडलहरू कम्पनीको आगामी प्रमुख उत्पादनका रूपमा अघि सारिएका छन्:

• होन्डा एलिभेट हाइब्रीड

• होन्डा प्रिल्युड कपल

• जेआर-भी हाइब्रीड

• होन्डा सेभेन-सिटर

होन्डाको यो नयाँ बिस्तार रणनीतिले भारतीय बजारमा हाइब्रीड सेग्मेन्टको प्रतिस्पर्धालाई चर्काउने दाबी गरिएको छ, जसले साउथ एशियामा होन्डाको प्रभाव बढाउन महत्वपूर्ण भूमिका खेल्ने अनुमान छ।

प्रमुख गाडी र तिनको विवरण:

होन्डाले प्रिल्युड कपल र जेआर-भी हाइब्रीडजस्ता उच्च कार्यक्षमता (Performance) भएका र अत्याधुनिक प्रविधिजडित गाडीहरूमार्फत बजारमा आफ्नो पकड बलियो बनाउने लक्ष्य राखेको छ। हाइब्रीड प्रविधिमा कम्पनीको यो लगानीले भारतीय उपभोक्ताहरूलाई थप वातावरणमैत्री र इन्धन-दक्ष विकल्पहरू उपलब्ध गराउने निश्चित छ।