काठमाडाैं, १० मंसिर । मितेरी डेभलपमेन्ट बैंकले आफ्ना शेयरधनीहरूको बैंक खातामा नगद लाभांश जम्मा गर्न सुरु गरेको छ। बैंकको मङ्सिर ६ गते सम्पन्न २० औँ वार्षिक साधारण सभाबाट पारित आर्थिक वर्ष २०८१/८२ को लागि १० प्रतिशत नगद लाभांश (नगद लाभांशमा लाग्ने कर प्रयोजनको लागि समेत) वितरण गरिएको हो।

 लाभांश भुक्तानी प्रक्रिया

• भुक्तानी सुरु: बैंकले कात्तिक २२ गतेसम्म हितग्राही खातामा बैंक वित्तीय संस्थाको खाता अद्यावधिक गर्ने शेयरधनीहरूको हकमा मङ्सिर ७ गतेदेखि आईपीएस (IPS) मार्फत लाभांश रकम जम्मा गरिरहेको जनाएको छ।

• आवश्यकता: लाभांश प्राप्त गर्नका लागि हितग्राही खातामा शेयरधनी स्वयंको नाममा रहेको र नेपाल क्लियरिङ्ग हाउस लिमिटेड (NCHL) अन्तर्गत आईपीएस सदस्यता प्राप्त बैंक वा वित्तीय संस्थाको खाता नम्बर हुबहु मिलेको हुनुपर्नेछ।

• अनुरोध: हालसम्म पनि हितग्राही खाता (Demat Account) नखोलेका वा खाता नम्बर अद्यावधिक नगरेका शेयरधनीहरूलाई यथाशीघ्र आफ्नो बैंक खाता अद्यावधिक गर्न बैंकले अनुरोध गरेको छ।

ध्यान दिनुपर्ने थप विषयहरू

• धितोबन्धकी कर्जा: मङ्सिर २२ गतेसम्म धितोबन्धकी राखी कर्जा लिएका शेयरधनीहरूको हकमा सम्बन्धित बैंक वा वित्तीय संस्थाबाट ‘नो अब्जेक्सन लेटर’ प्राप्त भएपश्चात् मात्र बैंक खातामा लाभांश रकम जम्मा गरिनेछ।

• शुल्क: नगद लाभांश जम्मा गर्दा सम्बन्धित बैंक तथा वित्तीय संस्थाको नियमानुसार कुनै शुल्क लाग्ने भएमा, सो शुल्क शेयरधनीहरू आफैंले व्यहोर्नुपर्नेछ।

• विवरण सच्याउने: विभिन्न कारणवश आफ्नो नगद लाभांश प्राप्त नगरेका शेयरधनीहरूको विवरण बैंकको शेयर रजिष्ट्रार प्रभु क्यापिटल लिमिटेडको वेबसाइटमा राखिएको छ। उनीहरूलाई आ-आफ्नो निक्षेप सदस्य (Depository Participant) मा सम्पर्क गरी विवरण सच्चाउन समेत बैंकले आग्रह गरेको छ।