जेनजी पुस्ताको सक्रियता र प्राकृति विपत्तिपछि बढेको दाबी भुक्तानीको चापका बीच नेपाली बीमा उद्योगको कारोबार उल्लेखनीय रूपमा विस्तार भएको देखिन्छ। बीमा कम्पनीहरूले चालु आर्थिक वर्ष २०८२/८३ को चार महिनामै १२ अर्ब रुपैयाँभन्दा बढी व्यवसाय थप्दै दोहोरो अंकको वृद्धिदर कायम राखेका छन्।
नेपाल बीमा प्राधिकरणले सार्वजनिक गरेको कात्तिक मसान्तसम्मको तथ्यांकअनुसार कुल बीमा व्यवसाय ७९ अर्ब ९३ करोड ७६ लाख रुपैयाँ पुगेको छ। यो गत वर्षको सोही अवधिको तुलनामा १७.४६ प्रतिशत (११ अर्ब ८७ करोड ९९ लाख रुपैयाँ) वृद्धि हो। गत आवको कात्तिक मसान्तसम्म बीमा व्यवसाय ६८ अर्ब ५ करोड ७७ लाख रुपैयाँमा सीमित थियो।
हाल १४/१४ वटा जीवन र निर्जीवन बीमा कम्पनी तथा ७ वटा लघु बीमा कम्पनी संचालनमा छन्। यी कम्पनीहरूले चार महिनामै ३४ लाख ६१ हजार २० वटा बीमालेख बिक्री गर्दै उल्लेख्य राजस्व संकलन गरेका छन्।
जीवन बीमा क्षेत्र: तीव्र वृद्धि
प्राधिकरणका अनुसार जीवन बीमा कारोबार १८.६७ प्रतिशत बढेर ६३ अर्ब ७२ करोड २८ लाख रुपैयाँ पुगेको छ। गत आवमा यही अवधिसम्म यो कारोबार ५३ अर्ब ६९ करोड ९० लाख रुपैयाँ थियो।
-
प्रथम बीमा शुल्क: २९.०२% वृद्धि, १४ अर्ब २० करोड ५९ लाख
(गत वर्ष: ११ अर्ब १ करोड ६ लाख) -
नविकरण बीमा शुल्क: १६% वृद्धि, ४९ अर्ब ५१ करोड ६९ लाख
-
बीमालेख बिक्री: ३२.५४% वृद्धि, २४ लाख २९ हजार ४७
-
कुल सक्रिय जीवन बीमालेख: १ करोड ६० लाख ६३ हजार ४७८ (१६.५४% वृद्धि)
निर्जीवन बीमा: स्थिर र सकारात्मक वृद्धि
निर्जीवन बीमा कारोबार पनि १२.९३ प्रतिशत बढेर १६ अर्ब २१ करोड ४७ लाख ९८ हजार रुपैयाँ पुगेको छ। गत वर्ष यसै अवधिमा कारोबार १४ अर्ब ३५ करोड ८६ लाख रुपैयाँ मात्र थियो।
-
बीमालेख बिक्री: १० लाख ३१ हजार ९७३ (३.३४% वृद्धि)
(गत वर्ष: ९ लाख ९८ हजार ५९६)
बीमा पहुँच ५० प्रतिशत नजिक
बीमा व्यवसायसँगै बीमा पहुँच पनि विस्तार भइरहेको छ।
-
बीमा पहुँच: ४९.४८% (गत वर्ष ४२.९२%)
हाल पनि ५०.५२% जनसंख्या बीमाको दायराबाहिर रहेको प्राधिकरणले जनाएको छ।
कर्मचारी र संरचना दुवै बढ्दै
बीमा उद्योगमा रोजगारीको अवसर पनि बढ्दो छ।
-
कर्मचारी संख्या: १२,२७५ (गत वर्ष ११,८१८ — ४५७ वृद्धि)
-
निर्जीवन बीमा: ६,२३४
-
जीवन बीमा: ६,०४१
-
-
कुल कार्यालय: ३,०००
नेपालको बीमा बजारले चार महिनामै देखाएको यो उछालले आर्थिक गतिविधि, बीमा सचेतना र बजार विस्तारको दर दुवै मजबुत बन्दै गएको संकेत गर्छ।
